Што не треба да споделуваме со пријателите

Честопати ги споделуваме нашите среќни и тажни моменти со најдобриот пријател, но има работи што треба да ги чуваме само за себе, особено кога станува збор за нашата врска или брак. 

Еве пет теми за кои не треба да разговарате со други луѓе, туку само со вашиот партнер! 

 

Тајни 

Внимавајте што зборувате и со кого разговарате. Ако вашиот партнер ви доверил тајна, тоа не значи дека треба да му ја кажете на вашиот најдобар пријател, дури и ако сакате да му помогнете и да побарате објективен совет од страна. 

 

Расправии

Во секоја врска има расправии, а тие се однесуваат само на вас двајца. Големи се шансите брзо да го надминете проблемот и да се смирите со партнерот. Запомнете дека вашите пријатели уште долго ќе ја паметат грубоста и непристојноста на вашиот партнер. 

 

Интимa 

Вашата спална соба е резервирана само за вас двајца. Во спротивно, ја загрозувате довербата на вашиот партнер ако споделувате интимни детали од вашата врска со други луѓе. Обидете се да замислите како би се чувствувале ако сте на негово место. 

 

Финансиски проблеми 

Ако ви треба финансиска помош, прво разговарајте со вашиот партнер и само тогаш размислете за следниот чекор и дали сакате да зборувате со другите за вашите моментални финансиски проблеми. 

 

Мани и недостатоци 

Со текот на времето, ќе се навикнете на неговите мани и недостатоци, што ќе ве натера да го сакате уште повеќе. Затоа не е добра идеја на почетокот на врската постојано да се жалите на нив на пријателите или семејството. Тие ќе го запомнат тоа и можеби ќе го спомнат во погрешно време.