Зошто е добро да се пие кафе
Ако ништо на светот не може да го надмине мирисот на свежо сварено кафе, веројатно сте малку зависник … но тоа воопшто не е лошо!
Постојат повеќе истражување кои откриваат дека кафето (во умерени количини) може да биде добро за вашето здравје. Дознајте кои се придобивките што можете да ги добиете од утринската шолја кафе.
Го намалува ризикот од дијабетес
Неколку шолји кафе на ден можат да го намалат ризикот од развој на дијабетес тип 2. Причината е комбинацијата на хемикалии кои се наоѓаат во зрната кафе, кои играат важна улога во вашиот метаболизам. Една од овие хемикалии, позната како хлорогена киселина, може дури и да го намали нивото на гликоза во крвта.
Ја подобрува вашата меморија
Истражувачи од американскиот универзитет во Јужна Флорида откриле дека кофеинот и кафето можат да го зголемат количеството хормони кои помагаат во создавање нови нервни клетки, а тоа може да го намали ризикот од Алцхајмерова болест
Добро е за вашето здравје
Студија објавена во списанието Circulation: Heart Failure открива дека умереното конзумирање кафе (околу 2 чаши на ден) е поврзано со намален ризик од срцеви заболувања.
Го намалува ризикот од рак на кожата
Кафето (кое содржи кофеин) може да го намали ризикот од карцином на базалните клетки, најчестиот вид на рак на кожата – барем според истражувањето објавено во списанието Cancer Research. Исто така, треба да се спомене дека кафето без кофеин нема такви ефекти.
