3 недели го барал автомобилот – заборавил каде се паркирал

Возач од мал град во северозападна Германија бил толку збунет кога отишол во поголем град што три недели не можел да најде каде си го паркирал автомобилот. 

 

62-годишен Германец го паркирал своето возило во катна гаража во Оснабрик, град со 165.000 жители, на почетокот на февруари и отишол на состанок. 

 

„Јас дури и не знам колку пати бевме во Оснабрик и го баравме неговиот автомобил“, изјави неговата ќерка. 

 

Таа објасни дека нејзиниот татко немал картичка за паркирање со името на гаражата затоа што рампата била отворена бидејќи уредот за издавање картички не работел. 

 

Нејзиниот татко возел од градот Бентхајм, во Долна Саксонија, до Оснабрик на 3 февруари. Кога влегол во градот, тој барал паркинг во близина на центарот, се паркирал во гаражата и подоцна не можел да се сети каде се наоѓа таа гаража. 

 

Три недели таткото и ќерката ги пребарувале гаражите во Оснабрик. На крајот, тие ги контактирале медиумите, па жител на тој град ги известил дека го нашол нивното возило. 

 

Автомобилот се наоѓал во гаража на хотел во центарот на градот. 

Дали некогаш сте се нашле во слична ситуација?