Вакцината на Pfizer значително го намалува преносот на вирусот

Само една доза вакцина Pfizer го намалува бројот на асимптоматски случаи на инфекција со ковид 19, покажуваат новите истражувања. 

Според порталот New Scientist, научниците од Кембриџ ги анализирале податоците на илјадници здравствени работници заразени со коронавирусот и дошле до заклучок дека, со само една доза вакцина Pfizer, можноста за пренесување на инфекцијата може значително да се намали. 

„Во прашање е драматично намалување на бројот на асимптоматски позитивни тестови кај здравствените работници кои примиле една доза од Фајзеровата вакцина“, изјави Ник Џонс од универзитетската болница во Кембриџ, кој е еден од докторите што ја водат студијата.

Тие ги споредиле податоците на асимптоматските здравствени работници кои биле вакцинирани и оние кои не биле и така дошле до заклучок дека дури 80% од невакцинираните биле заразени со корона. Само 37% од нив биле позитивни во првите 12 дена по вакцинирањето, а 20% од нив по 12 или повеќе дена. 

Од овие резултати, може да се заклучи дека ризикот од асимптоматска инфекција со коронавирус се намалува четири пати кога ќе поминат 12 или повеќе дена од вакцината, што е доста импресивно. 

“Ова е многу добра вест. Вакцината Pfizer штити од ковид 19, но исто така ја намалува можноста за пренесување на инфекцијата на други лица. Сепак, мора да бидеме свесни дека не обезбедува целосна заштита за секого”, изјави Мајк Викс, од Универзитет во Кембриџ.