Работи кои сериозно можат да го загрозат вашиот живот!
Иако сите би сакале да живееме долго, разни ситуации и самиот начин на живот влијае на тоа колку години ќе живееме.
Постојат пет фактори кои влијаат на скратувањето на животот и раната смрт. Ако се обидете да ги избегнете, дефинитивно ќе го продолжите вашиот живот.
- ПУШЕЊЕ
Дека пушачите имаат најголеми шанси за рана смрт потврдија и најновите податоци на Центрите за контрола и превенција на болести, според кои пушењето цигари предизвикува повеќе од 480.000 смртни случаи годишно во Америка, од кои 41.000 се секундарни пушачи. Според податоците, тие ќе умрат 10 години порано од непушачите.
- АЛКОХОЛ
Претераното конзумирање алкохол е главната причина за предвремена смрт во Америка, а тоа влијае на приближно 88.000 луѓе за една година. Околу 100.000 луѓе годишно умираат од болести поврзани со алкохол. Според експертите од Светската здравствена организација, постојат приближно 200 видови на болести и нарушувања кои се поврзани со алкохолизам, и тие можат да доведат до смрт.
- НЕАКТИВНОСТ
За жал, голем е бројот на оние кои деновите ги поминуваат на стол или во кревет, а студијата спроведена пред две години сугерира дека неактивноста може да биде причина за смрт кај возрасните, а станува збор за глобален број од 3,2 милиони. За да ги намалите шансите на овој исход, обидете се 150 минути во текот на неделата да одвоите за вежбање.
- ФИНАНСИСКИ ПОТЕШКОТИИ
Една студија покажа дека личната финансиска состојба, која вклучува недостаток на финансии, отпуштања или какви било проблеми од таа природа, може да влијае на зголемувањето на кардиоваскуларните болести, особено кај мажите.
- НЕГАТИВЕН СТАВ
Некои студии потврдија дека вашата ментална состојба и поглед на светот можат да влијаат на вашиот животен век. Лутината, зависта, вината и стравот се негативни емоции и можат да ви го отежнат животот.
