ЕУРО само во Англија? Финалето пред 90.000 навивачи

Претстојното Европско првенство во фудбал наместо предвидените 12, би можело да се одржи само во една земја. 

Пандемијата на коронавирусот веќе го премести ЕУРО од 2020 во 2021 година, а сега веројатно ќе влијае и на форматот. 

Според италијанскиот новинар Танкреди Палмери, ЕП би можело да се одржи само во Англија. 

УЕФА размислува дека поради лошата епидемиолошка состојба во цела Европа, турнирот ќе се одржи само во една земја, а поради условите, Англија е фаворит. 

Конечната одлука УЕФА треба да ја донесе во средината на април. 

Англија веќе беше планирана да биде домаќин на полуфиналето и финалето на Европското првенство 2020 година, а оваа година, покрај ЕУРО, на Островот покрај традиционалниот Вимблдон, ќе се одржат и натпреварувања во крикет, како и Светското првенство во рагби. 

На финалето на Европското првенство на 11 јули се очекиваат полни на Вембли – 90 000 гледачи.