Lady Gaga во Италија снима филм за Gucci

Американската пејачка Lady Gaga моментално е во Рим, каде снима сцени за новиот филм на Ridley Scott. 

Филмот „Gucci“ ќе се фокусира на тоа како Patrizia го испланирала убиството на нејзиниот поранешен сопруг Maurizio Gucci, внук на основачот на модната марка Gucci, кого ќе го игра колегата оскаровец Adam Driver.

Gaga во филмот ќе ја игра Patrizia Reggiani, која отслужи 18 години за убиството на Maurizio. Покрај Adam Driver, во актерската екипа треба да се појават и Al Pacino, Jeremy Irons, Jared Leto.

Засега, само Gaga е фотографирана во Рим, со црна маска и фустан со леопард принт што го носеше на снимањето. 

Ова ќе биде прва улога на Gaga по појавувањето во филмот „A Star Is Born“, кој освои Оскар за најдобра оригинална песна. 

Снимањето на филмот ја одбележува стогодишнината од основањето на модната куќа Gucci во Фиренца во 1921 година.