64% повеќе хоспитализирани лица поради британскиот вид на корона

Данска студија покажа дека луѓето заразени со британски вид коронавирус имаат 64 проценти поголема веројатност да бидат хоспитализирани, соопшти државниот институт Серим. 

Од 2.155 лица заразени со опасниот вид Б117, 128 се хоспитализирани, што е за 64% повеќе од заразените со други видови, стои во студијата која ја објави Ројтерс. 

Резултатите од студијата се слични на резултатите направени во Велика Британија на почетокот на овој месец, додаде институтот. 

Британскиот вид стана доминантен во Данска минатата недела и опфаќа две третини од новите ковид случаи, во споредба со помалку од 5% на почетокот на годината.