Украдени кучињата на Лејди Гага. Награда 500.000 долари за враќање на кучињата. 

Полицијата во Лос Анџелес започна истрага откако беше повреден шетачот на кучиња на популарната пејачка Леди Гага.

Снимките од надзорните камери го покажуваат моментот кога две лица излегуваат од автомобил и пукаат во момче кое шета два француски булдога, а притоа ги крадат.

Нападот се случил на авенијата Сиера Бонита во Холивуд во средата вечерта. 

Американските медиуми јавуваат дека момчето кое ги шетало кучињата било погодено во срцето и белите дробови, но дека сè уште е жив иако е во критична состојба. 

Кучињата не се пронајдени, а полицијата трага по напаѓачите на возраст од 20 до 25 години. 

Лејди Гага нуди награда од 500.000 долари за враќање на кучињата.