„Земете ja било која вакцина што ви е достапна“

Водечкиот американски експерт за заразни болести, д-р Ентони Фаучи, изјави дека треба да се прими каква било вакцина против коронавирусот што е достапна, без оглед за која станува збор. 

Тој за NBC изјави дека фактот дека и трета вакцина против Ковид 19 ќе биде достапна во САД е „само добра вест“ и дека тоа ќе помогне во контролата на пандемијата. Регулаторното тело на САД објави дека вакцината Џонсон и Џонсон, која се дава во единечна доза, обезбедува силна заштита од тешката форма на Kовид 19. 

Се очекува наскоро американската администрација за лекови (ФДА) да ja одобри вакцината. Фаучи ги предупреди луѓето да не одложуваат со приемот на вакцината на Џонсон и Џонсон и да чекаат да добијат вакцина за малку поефикасната Фајзер и Модерна. Тој изјави дека тоа е „трка помеѓу вирусот и давање вакцина на луѓето“ и дека колку подолго чекате со вакцинацијата, толку е поголема шансата вирусот да развие нова варијанта или мутација. 

Американскиот експерт изјави дека службениците за јавно здравје секогаш се загрижени за мутации на вирусот и ја потенцираше важноста од спроведување мерки како што се носење маски и социјално дистанцирање. Најчестиот мутиран вид на коронавирус што се јавува во САД е британскиот. Фаучи изјави дека вакцините што се дистрибуираат во САД можат да го потиснат тој посебен вид.