Сакаме да летуваме, но под 2 услови

Семејствата се најбројната група патници кои очајно оваа година сакаат да заминат на годишен одмор, но половина од нив ќе резервираат во последен момент. 

 

Global Media ги објави податоците од истражувањето „Гласот на нацијата“, а најинтересен податок е дека 58% од испитаниците се подготвени да потрошат повеќе пари на годишен одмор отколку во претходните години. 

 

Една третина не сакаат да плаќаат за годишен одмор повеќе од порано, без оглед на безбедноста и подобрите услови за патување. Сепак, секој ја има истата заедничка желба – политиката на откажување на патувањето мора да се смени! Сите сакаат да се укине клаузулата за задржување на парите ако го откажат одморот. Друга заедничка карактеристика на сите патници е дека повеќето имаат морална дилема „дали е во ред да се патува?“. 

 

Податоците беа презентирани на собирот организиран од TravelMole, Go To Places и Global Media. Една од темите беше промовирање на туризмот, а заклучокот е дека тие треба да бидат индивидуални, а не групни. 

 

Интересно е и да се напомене дека семејствата не се подготвени да користат авиони и јавен превоз. Значи, повеќето луѓе сакаат да одат на одмор со автомобил, а тоа прилично го намалува бројот на дестинации. 

 

Интересно е и истражувањето на гигантот „EasyJet“, кој покажа дека 65% од Европејците планираат да заминат на годишен одмор оваа година, и покрај забраните и ограничувањата! 

 

Истражувањето е спроведено во средината на јануари, а 5000 испитаници одговориле на прашањата во време кога масовната имунизација сè уште не била започната, така што туристичките работници се оптимисти.