Илон Маск повеќе не е најбогат на светот

Илон Маск ја изгуби титулата најбогата личност во светот по неодамнешниот пад на цените на акциите на Тесла, главниот извор на неговото богатство. 

Акциите на Тесла паднаа за повеќе од 20 проценти во однос на јануари, кога чинеа 880 долари. Падот на цените беше забележан оваа недела откако компанијата инвестираше 1,5 милијарди долари во Биткоин, пишува Би-Би-Си. 

Овој пад го врати Џеф Безос на врвот на листата на најбогати луѓе во светот. 

Падот на цените на акциите на Тесла следеше после големиот пораст минатата година, кога акциите скокнаа од 90 на повеќе од 700 американски долари. 

Поради тој раст, Маск во јануари го престигна шефот на Амазон, Џеф Безос, во трката за најбогата личност, но покрена и прашања за вистинската вредност на компанијата што произведува многу помал број автомобили во споредба со конкуренцијата. 

Падот на цените на акциите на Тесла „избриша“ над 15 милијарди долари од богатството на Маск.