Неколку знаци дека сте под голем стрес

Стресот е, за жал, редовен придружник на современиот човек, но некои симптоми покажуваат дека сте под голем стрес и дека едноставно треба да застанете.

Експертите издвојуваат три знаци кои предупредуваат дека не станува збор за обичен стрес, туку дека страдате од синдром на прегорување.

Лош сон – Тешко ви е да заспиете, а кога ќе успеете, се будите во текот на ноќта и рано наутро, и наместо да продолжите да спиете, се превртувате во креветот размислувајќи за обврските и проблемите. Ова е сигурен знак дека ситуацијата е посериозна од обичен стрес.

Недостаток на мотивација и концентрација на работа – Повременото лутање со мислите и неможноста да се концентрирате на работата се нормални, особено во летните месеци, но ако едвај доаѓате на работа, а кога „ќе се довлечкате“, гледате низ компјутерот неспособни да ги завршите дури и наједноставните обврски, побарајте помош.

Немате трпение – младите мајки обично се жалат на ова, но секој што лесно се лути и им се лути на пријателите и членовите на семејството заради ситници, треба да забави и да се запраша дали е под преголем притисок.