Очилата ја намалуваат можноста за инфекција од ковид

Луѓето кои носат очила имаат три пати помала веројатност да бидат заразени со ковид, бидејќи многу помалку ги допираат очите, покажува студија од Индија. 

Истражувачи од Индија спроведоа студија заснована врз 304 испитаници на возраст од 10 до 80 години кои прележале ковид. 

Околу 19 проценти од нив носеле очила поголем дел од денот, а остатокот не, што укажува на тоа дека луѓето кои носат очила осум часа на ден имаат помали шанси да се заразат со ковид, објави „Дејли меил“, повикувајќи се на „Сандеј телеграф“. 

“Луѓето имаат тенденција да го допираат лицето 23 пати на час, а очите три пати за 60 минути. Луѓето кои носат очила подолго време нема да ги допираат или пипкаат нивните очи”, се вели во студијата. 

Слична студија беше направена во Кина минатата година, каде беше утврдено дека веројатноста за добивање на ковид кај луѓе кои носат очила е пет пати помала отколку кај оние кои не носат.