Крај на пандемијата во 2022?

Директорот на Светската здравствена организација (СЗО) за Европа, Ханс Клуге, изјави дека пандемијата на коронавирусот ќе заврши на почетокот на 2022 година. 

Во интервју за данската државна телевизија ДР, Клуге нагласи дека 2021 година ќе биде година на Ковид-19, но и година во која ќе биде многу полесно да се справуваме со епидемијата во споредба со 2020 година.

Клуге верува дека најлошото сценарио е зад нас и дека има повеќе податоци за вирусот во споредба со 2020 година, кога тој првпат започна да се шири. 

Нагласувајќи дека никој не може однапред да го знае развојот на епидемијата, Клуге го даде своето предвидување: „Мислам дека пандемијата ќе заврши на почетокот на 2022 година“. 

“Сè уште ќе има вируси, но мислам дека нема да бидат потребни ограничувања. Ова е оптимистичка порака”, изјави Клуге. 

Зборувајќи за мутациите на корона, Клуге објасни дека мутациите се нормални и дека вирусот се обидува да се прилагоди на заразеното лице, но дека брзото ширење на мутациите го загрижува.