Како да престанете да јадете кога сте под стрес?

Сите ние различно се справуваме со стресот – некои гризат нокти, додека други не знаат што да прават со себе и копнеат по разновидна храна како кесичка чипс. 

Јадењето затоа што сте под стрес стана вообичаен механизам кога се бориме со ситуации во кои сме под притисок, но тоа воопшто не е здрав начин да се однесуваме во стресни ситуации. Нутриционистите истакнуваат дека ова може да му се случи на секого, но исто така советуваат како да се намали тој нагон. Експертите, пак, нагласуваат дека доколку ова однесување не се контролира, тоа може да доведе до нарушувања во исхраната и сериозни здравствени проблеми. 

 

Здравствени ризици 

Оние кои јадат поради стрес честопати се прејадуваат, што подоцна може да резултира со појава на вишок килограми. Стресот е предизвикан од реакцијата на хормонот кортизол, кој го зголемува шеќерот во крвта, а телото сака повеќе шеќер. Затоа многумина посегнуваат по слатки и други видови на лоши намирници кои се полни со јаглехидрати, калории и масти. Честото конзумирање на оваа храна доведува до дебелеење, а сето тоа може да доведе до дијабетес и срцеви заболувања. 

 

Прошетајте! 

Пешачењето е најлесниот начин да се смирите и да избегнете посегнување по храна. На овој начин, ендорфините почнуваат да се произведуваат исто како да сте јаделе вкусно чоколадо. Дури и 10 минути пешачење може да ја намали гладта ​​и да го намали стресот. Експертите препорачуваат да почекате еден час по прошетката пред да започнете да јадете нешто за на крајот да не се претвори во прејадување. 

 

Мобилниот телефон настрана 

Иако мобилните телефони понекогаш добро го одвлекуваат вниманието, експертите истакнуваат дека тие не им даваат на луѓето вистински одмор од стресот. Често мејловите од работа или несаканата пошта може да го одржи и зголеми нивото на стрес. Исто така, „скролањето“ на телефон, гледањето видеа предизвикува да не размислувате колку храна јадете. 

 

Направете совршена плејлиста 

Создавањето добра плејлиста може да ве релаксира бидејќи музиката е природно средство за смирување. Фокусирањето на релаксирачки песни ќе го одвлече вниманието од глад и желба за храна. Слушајте музика што ве опушта и го крева расположението или дури и нова музика за да не мора да размислувате за храна. Истражувањата покажаа дека музиката на Моцарт и Штраус го намалуваат стресот, високиот крвен притисок и отчукувањата на срцето. 

 

Одморете се

Зошто да не дремнете наместо да јадете? Стресот во текот на денот може да доведе до прејадување навечер. Но, добриот ноќен одмор може да го намали стресот и да го потисне внесувањето на големи количини храна. Луѓето кои се одмораат, полесно издржуваат неочекувани проблеми на работа, потешко чувствуваат силен стрес и не посегнуваат по лоша храна.