ПОЧИНА ЃОРЃЕ БАЛАШЕВИЌ

Познатиот кантавтор Ѓорѓе Балашевиќ почина денес на 67-годишна возраст. 

Балашевиќ беше примен на Инфективната клиника на Клиничкиот центар на Војводина во Нови Сад пред три дена, објавија белградските медиуми. Тој имал Ковид-19 и бил во лоша состојба, објави „Блиц“. 

Лекарите ги презедоа сите потребни мерки за лекување, но немаше никакво подобрување. Попладнево неговата состојба дополнително се влошила поради претходните хронични здравствени проблеми.

За жал, неколкучасовните напори на лекарите од КЦВ не вродија со плод, и Балашевиќ почина три месеци пред неговиот 68 роденден.

Големиот хит „U razdeljak te ljubim“ од неговата прва група „Žetva“ со продадени 180.000 синглови беше успех од југословенски размери.

Балашевиќ играше во неколку серии, а го сними и филмот „Rani mraz“, каде што, покрај другите, глумеа неговите деца и неговиот голем пријател Раде Шербеџија. Балашевиќ, е роден на 11 мај 1953 година. Тој беше член на групите „Žetva“ и „Rani mraz“, а во 1982 година ја започна својата соло кариера.

Има издадено вкупно 14 албуми. Тој се запишал, но не завршил географија. Сепак, по повод 50-годишнината од постоењето на Универзитетот во Нови Сад, тој беше награден со почесна диплома.

„Не е секогаш лесно кога сте пред познати личности, дома. Оние што не ве сакаат, не знаат како да го сокријат, а оние што ве сакаат, не знаат како да го покажат тоа “, рече Балашевиќ на почетокот на неговиот концерт, што го одржа во Нови Сад во 2012 година
За време на неговата кариера, Балашевиќ беше проследен со многу спорови. Многумина му замерија што ја сними песната „Računajte na nas“, така што тој во своја одбрана ќе рече: „Ja sam tu pesmu napisao pre 30 godina. Da sam ubio Tita već bi do sada izašao sa robije.“.

Балашевиќ беше познат како голем критичар на режимот на Милошевиќ, и додека земјата беше под санкции, тој зеде словенечко државјанство. Тој исто така беше амбасадор на добра волја за високиот комесаријат на ООН за бегалци. По 2000 година, тој не се изложуваше јавно на политиката сè до 2008 година, кога учествуваше во изборната кампања на Борис Тадиќ.

Нека почива во мир