Поднесено е уште едно барање за итно одобрување на вакцина против Ковид

Johnson & Johnson ја пријавија својата вакцина против коронавирусот до Светската здравствена организација за одобрување за итна употреба. 

Компанијата наведува дека овој процес е предуслов за испорака на нејзината вакцина за програмата Ковакс, со која треба да се обезбедат вакцини за сиромашните и средно развиените земји, пренесува Ројтерс. 

Johnson & Johnson во декември минатата година склучија договор за поддршка на програмата Ковакс. 

„Се очекува однапред да биде потпишан договор за набавка на вакцини, со кој во 2022 година преку таа програма ќе бидат обезбедени до 500 милиони дози вакцини“, се вели во соопштението на компанијата.