Нова контроверзна одлука: Кој не се вакцинира не може да работи

Израелскиот министер за здравство Џули Еделштајн потврди дека земјата планира на оние кои не примиле вакцина против коронавирус да им забрани да работат на одредени работни места, додавајќи дека секој што ќе го фалсификува сертификатот за вакцинација ќе заврши во затвор. 

„Ќе има работни места каде што работниците ќе мора да се вакцинираат или тестираат за Ковид-19 на секои 48 часа за да можат да работат“, изјави израелскиот министер за здравство. 

Еделштајн не прецизираше од кои работни места ќе бидат исклучени невакцинираните работници, но тој ги повика сите да ја примат вакцината за да помогнат животот да се врати во приближната нормалност.

„Вакцинираните и оние што се заразиле со вирусот од недела ќе можат да одат во спортски сали, хотели, синагоги и концерти“, изјави израелскиот министер додека зборуваше за израелскиот систем на „зелени пропусници“ што стапуваат на сила на 21-ви февруари. Пропусници ќе добијат оние кои ја примиле вакцината или кои се опоравиле од Ковид-19. 

Еделштајн изјави дека израелските власти веќе заплениле лажни документи за вакцинација и предупреди дека секој кај кого ќе биде најден фалсификуван сертификат за вакцина, ќе заврши зад решетки. 

Израел е водечка земја во светот според бројот на вакцинирани, искористени се скоро седум милиони дози вакцини.