Се разбудивте со главоболка? Ова се можни причини (ВИДЕО)

Будењето со главоболка не е добар почеток на денот. Ако се разбудите со досадна, остра или пулсирачка болка во главата, таа ќе ве исцрпи уште на самиот почеток на денот. Постојат неколку причини зошто главата ве боли наутро.

 

Главоболките по будењето кај некои луѓе траат кратко, додека некои ја чувствуваат болката и неколку часа подоцна. Овие пет работи можат да бидат причина за вашата главоболка:

 

Лошо спиевте

 

Несоницата може да биде предизвикувач на главоболка. Научниците откриле јасна врска помеѓу лишување од сон и мигрена, како и главоболка од напнатост. Недостатокот на сон го намалува прагот на болка, правејќи ги луѓето почувствителни на главоболка.

 

Дехидратација

 

Ако не пиете доволно вода, може да се разбудите со главоболка. Дехидрираноста предизвикува главоболки кои можат да бидат релативно благи или сериозни како мигрена.

Дехидратацијата влијае на секој дел од телото, вклучувајќи го и мозокот. Пијте многу течности за да избегнете утрински главоболки.

 

Апнеа или ‘рчење

 

Нарушен сон предизвикан од ‘рчење или апнеја, исто така, може да биде извор на главоболки по будењето. Сепак, главоболката поврзана со апнеа трае помалку од 30 минути.

 

Лекови и алкохол

 

Лековите можат да бидат предизвикувач на главоболки, и во тој случај треба да се консултирате со лекар за можна промена во терапијата. Исто така, причина за утринска главоболка може да биде мамурлакот. Големи количини алкохол може да доведат до главоболки во раните утрински часови.

 

Ако имате проблеми со чести утрински главоболки, првото нешто што треба да направите е да посетите лекар, а потоа да го пробате методот „ослободување од болка“, кој може да го погледнете во видеото.