Walt Disney со првиот трејлер го најави филмот „Cruella“
Конечно е претставен првиот трејлер за филмот „Cruella“, во кој глуми американската актерка Emma Stone.
Emma Stone ќе ја игра улогата на култниот негативец од филмот „101 Далматинец“, поточно познатата Cruellа de Vill, а работата на новиот филм е подреден на животот на младата Cruellа.
„Во 1970 година во Лондон, младата модна дизајнерка Estella de Vil станува опседната со кучињата, сè додека на крајот не стане немилосрдна и застрашувачка Cruella“, стои во описот на филмот.
Она што може да се забележи на самиот трејлер и во описот на филмот е дека Disney има тенденција да го насочи фокусот на дејството на филмот кон главните негативци, што во последно време е многу популарна идеја во филмската индустрија.
Многу филмски критичари истакнаа дека Disney со овој филм се стреми кон успехот на филмот „Joker“, во кој работата е подредена на главниот негативец од серијата филмови за Бетмен.
Покрај Stone, во новата продукција на Disney ќе играат и Emma Thompson, Joel Fry, Paul Walter Hauser, Mark Strong и Emily Beecham.
Кога станува збор за режијата, режисерот Craig Gillespie, чие последно режисерско достигнување е филмот „I, Tonya“, ќе го режира филмот „Cruelle“. Улогата на извршен продуцент и припадна на Glenn Close, која, интересно, ја играше улогата на Круела во верзијата на филмот „101 Далматинец“ од 1996 година.
Според најавите, филмот „Cruella“ треба да се појави во кино салите на 28 мај, но за жал неговото евентуално пошироко емитување ќе зависи од пандемијата на коронавирусот. Директорот на Walt Disney, Bob Chapek изјави дека ако панемијата на коронавирусот не стивне, многу е веројатно дека филмот ќе биде достапен на платформата Disney Plus.
