За време на пандемијата, се зголеми продажбата на оваа облека

Европските и американските ланци за трговија со облека не успеваат да ги распродадат залихите, а погоните во Бангладеш залудно чекаат нарачки, бидејќи во „ковид-светот“ најбарани се – пижамите. 

 

Некои ланци сè уште не успеаја да се ослободат од облеката од минатата година, што нормално веднаш би се распродала при распродажбите. Британскиот „Примарк“ има на располагање колекција за пролет/лето 2020 година, вредна 150 милиони фунти и колекција вредна 200 милиони фунти, есен/зима. 

 

Вредноста на непродадената облека во светот, во продавниците и магацините, се проценува од 140 до 160 милијарди евра, што е двојно повеќе од нормалната вредност. 

 

Големи проблеми имаат производителите на облека, како што на пример е Бангладеш, кој многу се потпира на извозот на текстил. Фабриките се борат да останат отворени. 

 

„Здружението на производители и извозници на облека“ од Бангладеш спроведе истражување во педесет фабрики и откри дека тие добиле 30 проценти помалку нарачки оваа сезона од вообичаеното, а нови проблеми пристигнале во јануари со новите мерки поради пандемијата. 

 

Минатата година беше тешка за индустријата за облека, а предвидувањата за оваа не е многу „посветла“. Проценката за 2021 година е пад за 15 проценти.

 

 Сепак, какво такво олеснување донесе популарноста на пижамите во овој период.

 

– Ако сакате да знаете што се носи во Велика Британија – пижамите повторно се во мода – изјави во јануари извршниот директор на „Марк и Спенсер“.