СЗО одобри друга вакцина за итни случаи

Светската здравствена организација (СЗО) одобри две верзии на вакцината AstraZeneca/Oxford против Ковид-19 за итна употреба. 

Вакцините ќе бидат достапни преку програмата Ковакс. 

Коментирајќи ја глобалната достапност на вакцините, помошникот на генералниот директор на СЗО за пристап до лекови и здравствени производи, д-р. Маријангела Симао истакна дека сите производители на вакцини мора да го зголемат производниот капацитет и да ги достават своите кандидати за вакцини за одобрување од СЗО што е можно поскоро. 

AstraZeneca се препорачува на сите постари од 18 години. Вакцината има лесни барања за складирање, беше објавено од СЗО на конференција по состанокот, истакнувајќи дека вакцината со ефикасност од 63,09% ќе биде „соодветна за земјите со низок и среден приход“.