Кој спорт е совршен за вашиот знак? За Овен тоа е боксот, одбојката е за Близнаците, јогата за Вагите …

Можеби ѕвездите ќе ви помогнат да ги постигнете вашите фитнес цели. Исто како што основните карактерни црти на секој хороскопски знак се напишани во sвездите, така и оваа информација може да ви помогне да пронајдете форма на вежба од која (конечно) нема да се откажете. 

Наместо да губите време да испробувате спортови што воопшто не ви одговараат, проучете го овој фитнес хороскоп. 

 

Овен 

Силниот карактер и натпреварувачкиот дух се само некои од нивните карактеристики. Овните се бестрашни авантуристи, храбри, секогаш подготвени за акција и оптимисти, но кријат и доза на агресија. Токму поради сите овие карактерни црти, спортовите како боксот или која било друга боречка вештина се идеални за нив. 

 

Бик 

Биковите се познати по својата издржливост и упорност, а кога станува збор за промените, тие се претпазливи во експресните решенија и повеќе сакаат да се посветат на постепено постигнување на посакуваните резултати. Се надеваме дека веќе имате квалитетни обувки за трчање, бидејќи токму трчањето е идеалниот спорт за вас. 

 

Близнаци 

На непостојаните Близнаци им е досадно од сè што прават многу брзо, тие ја сметаат монотонијата за свој најголем непријател. Но, за нив е карактеристично што најдобро функционираат во тим. Затоа тие треба да го бараат својот спорт меѓу одбојката, ракометот, фудбалот или кошарката. 

 

Рак 

Раковите не сакаат да се експонираат, а уште помалку сакаат кога некој јавно ги критикува. Затоа, тие бегаат од групни тренинзи или спортови што вклучуваат натпревари. Тие претпочитаат тренинг во затворен простор, по можност во безбедноста на нивниот дом. Затоа, не е изненадување што овој лик најчесто избира домашни вежби на YouTube. 

 

Лав 

За разлика од Раковите, Лавовите сакаат да бидат во центарот на вниманието и да се натпреваруваат. Тие секогаш бараат нови авантури и предизвици, а нивните главни карактерни црти се бестрашноста и креативноста. Освен спортови како трчање во кои би можеле да се наметнат како најбрзи, кросфит тренинзите се одличен избор за нив. 

Девица 

Девиците ја обожаваат дисциплината, па затоа ќе се чувствуваат најдобро ако се придружат на водени и планирани часови. Пилатес е одличен избор, а за оние кои бараат повеќе предизвици, приватните вежби во теретана би биле идеални. 

 

Вага 

Вечната потрага по рамнотежа е специфична за овој хороскопски знак. Претпоставувате, јогата е идеална за нив. 

 

Шкорпија 

Храбар, тврдоглав и упорен. За да бидат целосно задоволни, припадниците на овој знак треба да тренираат спортови кои секогаш им поставуваат нови предизвици, како што се боречки вештини и адреналин, а исто така може да бидат воодушевени од танцување на шипка. 

 

Стрелец 

Тие најмногу сакаат да патуваат и да поминуваат време на свеж воздух. Затоа пешачењето, скијањето или возењето велосипед се најдобрите форми на вежбање за овој хороскопски знак. 

 

Јарец 

Нивната челична волја и фокус на постигнување резултати ќе бидат најизразени за време на тренинг со висок интензитет. 

 

Водолија 

Водолиите сакаат да бидат опкружени со луѓе, па не е изненадувачки што единственото нешто што го очекуваат од вежбањето е дружење и создавање нови пријателства. Затоа, со изборот на кој и да е групен тренинг, тие нема да погрешат. 

 

Риба 

Како што се очекуваше, припадниците на овој знак се вистински „зависници“ од вода, па пливањето е совршен спорт за нив. Но, ако им здодее од тоа, нема да погрешат со јогата, која ментално и физички ќе ги окупира и ќе го зајакне нивниот ум и тело.