Уморни сте од работа од дома? Ве потсетуваме на неговите предности што не смеете да ги заборавите
Поради пандемијата, работата од дома стана сè почеста во сите професии што можат да го организираат овој начин на работа.
На почетокот, за многумина беше вистинско олеснување, но по некое време, многумина почнаа да се жалат дека едвај чекаат да се вратат на работа. Им недостасува контактот со колегите, заедничката смеа, работата и утринското кафе, но, и како што велат, дури и средувањето (особено жените) и едноставно се чувствуваат подобро кога одат на работа.
Повеќето од нив веќе ги заборавиле предностите на работата од дома, бидејќи овој период веројатно им е многу долг. За да не очајуваме и постојано да копнееме по нешто што го немаме, и да заборавиме на она што го имаме, ве потсетуваме на придобивките од работата од дома, за да уживаме уште малку во нив.
- Вашиот шеф не вис тои над глава
Често, дури и кога правите нешто илјада пати, ако вашиот шеф ве надгледува, се чувствувате како да го правите тоа за прв пат. Напнатоста дека тој го набудува секој ваш чекор може да влијае на квалитетот и брзината на завршената работа. Кога работите од дома, никој не ве гледа и не сте под притисок да направите нешто погрешно, но ќе работите како што мислите дека треба, и на крајот, ќе проверите сè. Ова во голема мера го намалува стресот.
- Јадете поквалитетно
Секогаш можете да зготвите нешто додека работите. Многу е подобро да јадете зготвена храна отколку купена од пекара, брза храна итн. Секако, во овој случај избирате што сакате да јадете, додека кога сте на работа зависи од тоа што другите ќе ви понудат.
- Го користете го телефонот кога сакате
Секогаш се чувствувате непријатно ако некој ви се јави на телефон додека сте на работа или се допишувате. Имате чувство дека ви ги бројат минутите колку разговарате и колку гледате во телефонот. Дома сте опуштени, зборувате без притисок, пишувате пораки и прелистувате вести и социјални мрежи.
- Работите во тренерки, пижами…
Зарем не ви е понекогаш преку главата кога ќе станете наутро и знаете дека мора да се средите, да пеглате, да носите облека што не ви е најпријатна. Дома едноставно заборавате на тоа.
Кога работите од дома, носите најудобна облека, нели е тоа прекрасно?
- Не мора да ги слушате муабетите на колегите кои немаат работа
Честопати кога имате многу работа, а колегите не ја делат истата болка, нивните празни приказни, кој што купил, зготвил, девојката го изнервирала момчето или пак тој заборавил да и купи подарок, знаат да ви одат на нерви.
Сега сте сами со себе и можете да разговарате само со оние што сакате да ги слушнете.
- Не се нервирате поради гужвата во сообраќајот
Нема нервоза од рано наутро. На овој начин, работниот ден ќе го започнете многу порелаксирано и опуштено. Нема доцнења, нема гужви, нервозни и арогантни возачи, црвени светла на семафорите и гужви во јавниот превоз.
- Трошите помалку пари
Овде се враќаме на бројот 2. Храната ја правите од намирници што веќе ги имате во вашиот дом. Правењето оброци е далеку поквалитетно, но исто така и поисплатливо доколку имате побројно семејството. Исто така, нема да плаќате за кафе, да купувате закуски и слатки, бидејќи ви е интересно да ги јадете со вашите колеги.
- Правите пауза кога сакате
Грбот ве боли, мозокот е уморен, сакате да гледате нешто важно на ТВ или да си подготвите кафе, да ги истегнете нозете. Сето ова можете да го направите КОГА САКАТЕ. Никој нема да ве контролира и да брои колку пати сте станале од столот.
Ако знаете добро да ги организирате вашето време и обврски, имате голема предност кога работите од дома.
Не очајувајте. Запомнете дека работата од дома навистина има свои предности, а она што ви недостасува кога работите во канцеларија, обидете се да го надоместите на друг начин, со вашите пријатели и драги луѓе. Дефинитивно ќе помогне, барем додека работите не се вратат во нормала.
