Како ќе изгледа продолжението на „Сексот и градот“ без Саманта
Откако HBO го објави продолжението на снимањето на култната серија „Сексот и градот“, но без улогата на познатата Саманта Џонс, фановите развија секакви теории за тоа како би изгледала серијата без фаталната sвезда олицетворена од Ким Катрал.
Конечно, извршниот директор на HBO, Кејси Блојс проговори и ги разби сите теории.
Блојс истакна дека Сара Џесика Паркер, која ја игра Кери Бредшо во серијата и сценаристот Мајкл Патрик Кинг, кои го пишуваат продолжението, не се обидуваат да ja повторат серијата што публиката ја гледаше претходно.
“Ликовите не ги живеат своите триесетти години. Toа ќе биде приказна за жени во педесетти години што ги прават токму работите што ги прават луѓето во педесеттите години. Исто како и во реалниот живот, луѓето влегуваат во вашиот живот, но и тие заминуваат. Пријателствата згаснуваат, а се раѓаат и нови. Значи, мислам дека сè може да се поврзе со реалните фази во животот“, објасни Блојс за да и биде полесно на публиката да го прифати дејството на серијата без Саманта.
Сара Џесика Паркер и Патрик Кинг ќе се обидат да раскажат приказна за тоа како навистина им е на жените во педесеттите години во Њујорк. Серијата ќе вклучува мноштво кадри кои ќе покажат како изгледа најнаселениот американски град денес.
Синтија Никсон (Миранда Хобс) и Кристин Дејвис (Шарлот Јорк) ќе и се придружат на Бредшо во продолжението на серијата, насловена „And Just Like That“.
