„До крајот на годината ќе биде како грип“

Мет Хенкок, британскиот министер за здравство, верува дека до крајот на годината, Ковид-19 ќе биде „само уште една болест со која ќе мора да живееме“.

 

Според него, ова ќе се случи со помош на вакцинација и нови начини на лекување. 

 

Ханкок истакна дека владата во Лондон вложила напори да ги охрабри граѓаните да ја прифатат вакцинацијата, пренесува Гардијан. 

 

Британската национална здравствена служба објави дека на сите од четирите главни приоритетни групи во Англија им е дадена можност да се вакцинираат, со 14 од најзагрозените 15 милиони кои веќе ја примиле првата доза. 

 

Властите на Велс објавија дека станале првата земја во Обединетото Кралство што ја исполни својата цел за имунизација. 

 

Министерот Ханкок се надева дека комбинацијата на вакцини и нови начини на лекување ќе значи дека Ковид-19 може да биде болест што може да се излечи до крајот на годината. 

 

Тој додаде дека коронавирусот ќе стане „друга болест со која треба да живееме“ како грип. 

 

„Се надевам дека Кобид-19 ќе стане болест што може да се излечи до крајот на годината“, изјави тој за „Дејли телеграф“. 

 

Хенкок апелираше до сите постари од 70 години да се јават во Националната здравствена служба за да закажат термин за вакцинација.