Што не треба да правите ако сте примиле вакцина против корона

Александар Гинзбург, директор на Националниот истражувачки центар за микробиологија и епидемиологија „Гамалеја“, објасни како да се дејствува со цел добиената вакцина против корона вирусот да делува што е можно поефикасно. 

 

Научникот советува дека вакцинираните лица треба да избегнуваат интензивни физички активности два дена по вакцинирањето, со цел да се формира најдобриот имунолошки одговор на вакцината. 

 

„Едно лице едноставно нема доволно гликоза и шеќер за да обезбеди рамномерно функционирање на двата процеса“, рече Гинзбург во интервју за весникот „Росијска газета“. 

 

Друг важен услов за ефикасно создавање на имунолошки одговор е разновидна исхрана по вакцинацијата. Експертот објасни дека создавањето на антитела е процес што троши енергија и бара синтеза на протеини, а долготрајното вежбање ја отежнува синтезата. 

 

Покрај тоа, Гинзбург ги советувал вакцинираните лица да се воздржат од штетни навики, како што е алкохолот, бидејќи тие делумно го намалуваат ефектот на вакцинација. 

 

Русија ја регистрираше првата вакцина во светот против ковид „Спутник V“ на 11 август 2020 година. 

 

Угледно научно списание „Лансет“ објави дека „Спутник V“ е безбедна и ефикасна вакцина која обезбедува целосна заштита од тешки случаи на болест на Kовид-19. 

 

По неколкумесечно истражување на руски имунолози во кое учествувале 19.866 волонтери, заврши третата фаза на клинички испитувања, со што се потврди ефективноста на вакцината од 91,6 проценти.