Започнува тестирање на вакцини врз деца: учествуваат 300 волонтери

Универзитетот во Оксфорд започна со тестирање на ефектот на вакцината АстраЗенека кај деца кои се вакцинираат за прв пат, беше објавено денес. 

Тестовите треба да покажат дали оваа вакцина е ефикасна кога се дава на деца на возраст од шест до 17 години, а истражувањето ќе вклучи 300 волонтери кои ќе ја примат првата вакцина овој месец, пренесува Ројтерс. 

Вакцината АстраЗенека е наречена „вакцина за целиот свет“ затоа што е поевтина и полесна за дистрибуција од вакцините на конкуренцијата, а од седиштето на оваа фармацевтска компанија најавено e производството на над 200 милиони дози месечно.