Време за љубов: Денес е Денот на вљубените кој се слави низ целиот свет

Денес е Денот на вљубените или Св.Валентин. За многумина овој ден е време за посебни моменти поминати заедно, љубовни изјави и размена на подароци. 

Св. Валентин беше првиот епископ на градот Терни во Умбрија, на околу сто километри од Рим, кој беше убиен на 63-годишна возраст заради тајна венчавка на парови и покрај царската забрана. Валентин бил фатен, фрлен во зандана, по што бил погубен. По неговата смрт, тој беше прогласен за светец, а од 15 век, луѓето го славеа како заштитник на вљубените. 

Најстарата честитка за Денот на вљубените ја напишал францускиот војвода Чарлс од Орлеанс на неговата сопруга додека бил во заробеништво во Англија. Исто така, симбол на вљубените е Купидон, античкиот римски бог на љубовта. Честопати е прикажан како држи лак и стрела затоа што се верува дека тој што ќе го погоди со својата магична стрела веднаш се заљубува. 

Иако повеќето не го слават Денот на вљубените со децении, денес тој е комерцијален празник што носи голем профит во скоро сите земји во светот. 

Секоја година, за Денот на вљубените се испраќаат голем број честитки низ целиот свет, а најчесто се подаруваат цвеќиња, слатки и кадифен играчки, но и скапи подароци. 

Во Верона, градот на Ромео и Јулија, секоја година пристигнуваат голем број писма упатени до Јулија.