Justin Timberlake им се извини на Janet Jackson и Britney Spears

Justin Timberlake јавно им се извини на својата поранешна девојка Britney Spears и пејачката Janet Jackson, велејќи им дека не успеал во минатото. 

Timberlake се огласи на својот профил на Инстаграм по критиките на социјалните мрежи за интервјуто кое го даде пред околу 20 години за неговиот сексуален живот со Britney кога и двајцата беа на врвот на својата кариера. 

Реакцијата следеше по емитувањето на ТВ документарец за подемот и падот на Britney, вклучително и како таа беше посрамотена во медиумите кога нивната врска заврши во 2002 година. 

Justin со години го прогонуваа обвинувањата дека не преземал доволно одговорност за озлогласениот „распад на гардеробата“ за време на полувремето во Super Bowl-от во 2004 година кога и ја откри градата на Janet Jackson на сцената. 

„Конкретно, сакам да им се извинам на Britney Spears и Janet Jackson, на двете поединечно, затоа што се грижам и ги почитувам овие жени и знам дека не успеав“, напиша Timberlake на Инстаграм. 

Timberlake, кој сега е оженет со актерката Jessica Biel, рече дека му е жал што не го сторил тоа порано. 

Justin и Britney беа во врска околу три години пред нагло да раскинат во 2002 година. Britney во медиумите постојано беше прашувана за нејзината невиност, додека Justin рече дека спиел со неа, а потоа ја напиша песната „Cry Me a River“ во која тој имплицираше дека бил измамен во врската.