Спутник лајт привремено решение, штити 4-5 месеци

Должината на ефикасноста на вакцината Спутник лајт ќе биде три до четири пати пократка од имунитетот обезбеден од Спутник V. 

Ова денеска го изјави Александар Гинзбург, директор на Националниот истражувачки центар за епидемиологија и микробиологија од Гамалеја, во интервју за ТВ-каналот Русија-24. 

Според Гинзбург, заштитата што ја обезбедува Спутник лајт од вирусот корона, најверојатно ќе трае четири до пет месеци.

Спутник лајт, вакцина во една доза, е опишана како можно привремено решение што ќе им помогне на земјите со голема стапка на инфекција, пренесува Ројтерс.