Директорот на Австралија опен верува дека Џоковиќ ќе игра

Директорот на Австралија опен, Крег Тајли, денес изјави дека очекува првиот тенисер во светот Новак Ѓоковиќ да го одигра мечот од осминафиналето против Канаѓанецот Милош Раониќ и покрај повредата. 

Ѓоковиќ вчера, во пет сета го совлада Американецот Тејлор Фриц, но се повреди за време на мечот и со огромна болка ги одигра последните два сета. Српскиот тенисер изјави дека верува дека скинал мускул и дека не е сигурен дали ќе игра против Раониќ во недела. 

„Ќе го гледаме. Тој е цврст. Кога ќе се разбуди, ќе сфати што му треба и ќе оди на соодветен третман. Додека ги играше тие два сета, јас бев прилично изненаден што успеа да го добие мечот. Но, многу пати сум го видел како игра овде, ова е негов терен, тој се чувствува пријатно на него, ја подигнува играта, тој е толку добар“, рече Тајли за австралиската телевизија Nine. 

Организаторите го ставија натпреварот меѓу бранителите на титулата, Џоковиќ и Раониќ, како последен на програмата „Род Лејвер Арена“ и тој ќе започне во недела во 10.30 часот. 

Осумкратниот шампион на Вимблдон не тренираше денес и ќе помине дополнителни прегледи пред да одлучи дали ќе го продолжи учеството на турнирот, објавија австралиските медиуми.