Ве мачат масни наслаги во пределот на стомакот? Порблемот е во овие 5 навики!
Дури и слабите луѓе се изложени на ризик од развој на срцеви заболувања доколку имаат вишок маснотии во пределот на стомакот. Присуството на овие масти во организмот е поврзано со ослободување на протеини кои предизвикуваат воспаление, а исто така може да ги оштети артериите и црниот дроб и да го промени начинот на кој телото користи шеќер и маснотии.
Зошто го „напаѓаат“ стомакот?
- Живеете под стрес
Можеби ви звучи како лага, но стресот предизвикува зголемување на телесната тежина. Сета оваа вознемиреност може да создаде вишок на кортизол, хормон кој го поттикнува телото да „складира“ маснотии. Обидете се да направите пауза неколку минути по еден час работа, фокусирајте се на дишењето и опуштањето на телото.
- Погрешен избор на храна
Намалете го внесот на јаглехидрати за да го намалите внесот на калории и шеќери кои се претвораат во масни наслаги. Елиминирајте ја брзата и мрсна храна целосно од вашата исхрана и јадете повеќе зеленчук, овошје и храна богата со растителни влакна. Исхраната со малку влакна е една од причините за зголемување на телесната тежина.
- Алкохол
Сам по себе, алкохолот нема маснотии, но неговата апсорпција го забавува метаболизмот, што го прави голем непријател на луѓето кои се обидуваат да внимаваат на нивната линија. Бидејќи го забавува распаѓањето на мастите, тие се таложат во пределот на желудникот, барем така научниците го поврзаат процесот.
- Недостаток на активност
Во последниве децении, луѓето стануваат помалку активни, па затоа има зголемување на бројот на дебели луѓе, вклучувајќи ја и областа околу стомакот. Покрај класичните стомачни мускули кои ќе се грижат за рамниот абдоминален мускул, т.е. оној што учествува во одржување на исправено држење и дишење, за да постигнете резултати, треба да работите на вашите „core“ мускули, односно групата мускули околу областа на трупот и карлицата. Обезбедуваат стабилизација и поддршка на нашето тело, а се состојат од група на стомачни и грбни мускули кои се неопходни за ротација на телото и скоро за сите движења на торзото.
- Менопауза
За време на менопаузата, метаболизмот на жените се забавува и тука нема помош. Масните наслаги околу половината кај жени кои влегле во менопауза е одговор на организмот на пад на хормонот естроген. За време на менопаузата, се случува складирањето на масни наслаги од колковите да се премести во пределот на половината.
