Лери Флинт, основач на машкото списание „Хастлер“, почина на 79-годишна возраст

Се оженил пет пати, а накратко се обидел да се кандидира за претседател на Америка во 1984 година 

Основачот на познатото списание за мажи Хастлер и медиумска личност, Американецот Лери Флинт, почина на 79-годишна возраст, објави веб-страницата ТМЗ. 

Извори блиски до семејството велат дека тој починал од срцев удар.

Повеќе од 50 години, Флинт беше едно од најголемите имиња во индустријата за забава за возрасни – тој го започна Хастлер во 1974 година, што му донесе слава и богатство, но и бројни проблеми со законот. 

Голем дел од проблемите се прикажани во филмот „Народот против Лари Флинт“, добитник на Оскар во 1996 година, во кој игра Вуди Харлесон. 

Флинт беше застрелан во 1978 година од серискиот убиец Џозеф Пол Франкин, што го остави парализиран од колковите надолу и беше во инвалидска количка, страдајќи од постојана болка. 

Се оженил пет пати, а накратко се обидел да се кандидира за претседател на САД во 1984 година и за гувернер на Калифорнија во 2003 година. 

Зад себе остави пет ќерки и син, како и бројни внуци и правнуци.