(ФОТО) ГОЛЕМА АКЦИЈА ВО ЧАИР И БИТПАЗАР. ПАЈАК СЛУЖБАТА ПОДИГНА НЕПРОПИСНО ПАРКИРАНИ ВОЗИЛА ОД ЈАВНИТЕ ПОВРШИНИ

Во последниве 3 месеци екипите на ЈП „Градски паркинг“ имаат санкционирано и подигнато 172 возила од територијата на Чаир и Бит-пазар.

Градот Скопје во континуитет спроведува акции во сите скопски општини за санкционирање на сите несовесни возачи кои непрописно ги паркираат нивните  возила на јавните површини и прават прекршоци по основ на паркирање на коловоз, велосипедска патека, пешачки премин, тротоар, зелена површина, спротивно на сообраќајните знаци, како и по повик од трето лице.

Во рамките на овие активности денеска се спроведува голема акција за санкционирање и отстранување на овие возила со специјалните возила пајак на територијата на општина Чаир. Во последниве 3 месеци екипите на ЈП „Градски паркинг“ имаат санкционирано и подигнато 172 возила од територијата на Чаир и Бит-пазар.

Градот Скопје и јавното претпријатие „Градски паркинг“ апелираат до граѓаните да го чуваат зеленилото и другите јавни површини, а своите возила да ги паркираат исклучиво на означените паркиралишта.

Град Скопје