Јужна Кореја тестира кучиња и мачки за коронавирус
Властите во Сеул, Јужна Кореја започнаа со тестирање на кучиња и мачки за коронавирус.
Тестирањето врз животни започна неколку недели откако беше потврден првиот случај на коронавирус кај мачка во Јужна Кореја. Само домашните миленици кои покажуваат симптоми како што се треска и отежнато дишење откако биле изложени со заразено лице, ќе бидат тестирани.
Покрај тоа, миленичињата ќе треба да бидат ставени во карантин, ако тестот за коронавирус е позитивен. Испраќањето животни во одделите за изолација нема да биде потребно бидејќи сè уште нема докази дека животните можат да заразат луѓе со коронавирус. Тие ќе бидат испратени во одделот за изолација само доколку е потребно болничко лекување.
Инфицираната мачка е пронајдена во верска зграда во градот Јинџ.
Експертите претходно изјавија дека постои мала можност за пренесување на коронавирусот од мачки и кучиња на луѓе, иако истражувањата покажаа дека мачките може да го пренесат вирусот на други мачки.
