Тој е хит на Австралија опен. Му се поклони и Федерер

Thanasi Kokkinakis е една од најголемите приказни на овогодинешниот Австралија опен. 

Домашниот тенисер во првото коло го исфрли Јужнокореецот Soonwoo Kwon со 6: 4, 6:1, 6:1. Ова е прва победа на Kokkinakis на Грен слем турнирите од УС Опен во 2019 година. Тој не играше минатата година поради мононуклеоза, а на Австралија опен пристигна како 267 играч во светот и играше на првиот грен слем во годината благодарение на поканата на организаторите. 

“Толку многу труд се крие зад оваа победа. Тоа го знаат само моите најблиски”, изјави 24-годишниот Австралиец, кој плачеше по победата. 

Уште пред мононуклеозата Kokkinakis имаше неколку тешки повреди. Пред три години, како 175-ти играч во светот, тој го победи Роџер Федерер, тогаш бр.1, на Мајами опен, но после тоа се повреди. Потоа размислуваше и за крај на кариерата. 

„Секоја чест Thanasi, среќен сум за тебе“, е пораката што Federer му ја испрати по победата на Австралија опен оваа година. За Kokkinakis, чиј најдобар пласман во кариерата беше 69 место во 2015 година, ова е прва победа на домашниот грен слем после шест години. 

Интересно е тоа што Kokkinakis во пресрет на оваа сезона остана без спонзор, па натпреварот го одигра во маица од 4,5 евра. 

“Едноставно отидов во првата продавница и купив неколку маици. Се чувствувам одлично во нив. Сакав да нарачам уште, но ги нема повеќе”. 

Во второто коло игра против Stefanos Tsitsipas, еден од најдобрите тенисери во светот.