Британски научник тврди: Мозокот на заболените од ковид старее за 10 години!

Луѓето кои се опоравуваат од ефектите на ковид може да претрпат сериозно оштетување на мозокот, а во најлош случај може да се појави штета што е еднаква на нагло стареење на мозокот за 10 години, предупредуваат истражувачите од Кралскиот колеџ во Лондон.

Студијата сè уште не е разгледана, а направена е на 84.285 опоравени од ковид 19. Истражувачкиот тим е предводен од Адам Хемпшир, изјави дека во некои тешки случаи, ковид 19 предизвикува сериозен повеќемесечен когнитивен дефицит. 

Во извештајот на колеџот се вели дека некои пациенти на возраст меѓу 20 и 70 години, кои имале тешки симптоми, добиле оштетување на мозокот и мозокот им остарел за 10 години, без да се прецизира процентот на луѓето на кои им се случило тоа.