Заљубени сте? Еве што се случува во вашето тело!

Нашето тело знае совршено добро кога нè обзема љубов. Погледнете ги необичните, дури и смешни начини на кои тоа реагира кога сме сериозно заљубени. 

 

Доволно е 1/5 секунда 

Иако имало многу спорови и сомнежи во врска со оваа теза, се чини дека љубовта на прв поглед сè уште постои. Имено, заљубувањето активира дури 12 области во мозокот, откриено е во студијата објавена во стручното издание „Journal of Sexual Medicine“. Резултат? Ако сте заљубени, можете да „знаете“ во рок од една петтина од секундата. 

 

Срцето забавува 

Заљувањето влијае на количината на многу хормони во телото. Последица – има намалување на крвниот притисок и забавување на отчукувањата на срцето. 

 

1 час помалку спиење 

Неколку различни студии дојдоа до истите резултати кога станува збор за спиење и заљубеност: сите занесени испитаници вклучени во тие студии изјавиле дека изгубиле барем еден час ноќен сон откако се заљубиле. Според анализата на овие студии, објавена во „Journal of Adolescent Health“, научниците веруваат дека заљубените навечер ги чуваат будни мислите за личноста што ја сакаат. 

 

Стануваме заборавeни 

Кога сме целосно опседнати со некоја личност или, така да се каже, заљубени „до уши“, нашиот мозок почнува да ослободува поголеми количини на окситоцин, т.н. хормонот на љубовта. Го интензивира чувството на поврзаност, но од друга страна може да ја ослабне способноста за паметење. Значи, ако сме заљубени, тоа е објаснување за еден вид отсуство на дух и заборавање. 

 

Љубомората излегува на виделина 

Тука едноставно се чини дека нема никаква помош: кога сме заљубени и гледаме некој близок како разговара со друга жена (или маж), љубомората едноставно излегува на површина. Една неодамнешна студија спроведена на Универзитетот во Флорида покажа дека љубовта нè прави премногу заштитнички настроени кон нашите партнери. 

 

Помалку грчеви и болка 

Истражувањето спроведено на „University School of Medicine“ во Стенфорд, покажа дека љубовта активира некои нервни рецептори во мозокот кои делуваат како лекови против болки. Затоа, грчевите и болките што некое лице ги чувствувало порано, кога ќе се заљуби, исчезнуваат или барем ги ублажуваат. 

Се има посладок вкус 

Во една студија, објавена во стручното издание на Американската асоцијација за психологија, на студентите-испитаници им била дадена задача да напишат за своите љубови, а потоа им биле дадени различни јадења и пијалоци да ги испробаат. Без оглед на тоа каков вид на храна навистина вкусил, сите испитаници дошле до истиот заклучок – дека сè има некако посладок вкус од вообичаеното. 

 

Потешко се концентрираме 

Истражувањето објавено во списанието Motivation and Emotion покажа дека, затоа што постојано размислуваме за партнерот, заљубувањето може да ја намали нашата способност за концентрација. Поради тоа потешко се концентрираме на конкретни задачи. 

 

Тонот на гласот станува повисок 

Кога жените зборуваат со маж кој е привлечен за нив, тие често зборуваат со повисок тон од вообичаеното. 

 

Љубовта ги зајакнува коските 

Љубовта има и сосема неочекувани ефекти. Имено, научниците открија врска помеѓу паровите кои се во среќен брак и поздравите и поцврсти коски. 

 

Среќни сме и еуфорични 

Ендорфинот е како природен морфиум во нашето тело, и кога сме заљубени, доаѓа до  негово зголемено лачење. Ефектот е ист како дејството на хероин или опиум: предизвикува постојано чувство на среќа и еуфорија.

 

Заљубеноста е нарушување? 

Ех, да. Студија спроведена на Универзитетот во Пиза покажа дека нивото на серотонин кај новозаљубените е еднакво на количината на серотонин кај пациенти со опсесивно-компулсивно нарушување. Ова објаснува зошто постојано размислуваме за нашиот партнер, зошто треба постојано да бидеме со него / неа, да знаеме што прави, каде е …