Список на најдобрите земји за интроверти – изобилуваат со мир и зеленило
За интровертните луѓе, многумина мислат дека тие се некои кои се срамежливи, нервозни во општеството и не толерираат голем број луѓе и јавни собири, што може да биде делумно точно. Сепак, за ваквите лица, постојат земји кои одговараат на нивната личност.
Патем, многу експерти објаснуваат дека интровертите не треба да се осудуваат затоа што тие сакаат само да поминат некое време сами и да ги наполнат батериите без потреба од голема толпа.
Овој тип на луѓе не е социјално хендикепиран, само треба да им се даде слободен простор да го искористат за себе, што е крајно потребно за секого од време на време.
На страницата Merchant Machine, има список на земји кои се најдобри за интроверти, односно кои вклучуваат градови со помалку гужви, многу отворен простор и зеленило, како и распространетост на безжичниот интернет, просечната плата и цената на изнајмување стан.
Резултатите покажуваат дека Канада е пред сите, пред се поради одличните пејсажи и малата густина на население. Веднаш зад неа е Австралија, од многу слични причини, а тука се и останатите земји кои го најдоа своето место во топ 10.
Список на најдобрите земји за интроверти:
- Канада
- Австралија
- Исланд
- Русија
- Финска
- Нов Зеланд
- Суринам
- Мавританија
- Норвешка
- Белизе
Покрај ова истражување, Merchant Machine се занимаваше и со занимања што се најпогодни за интровертните личности.
Заедничко за нив е дека тие имаат доза креативност, но и самостојност за оној што би се занимавал со нив. Има такви кои се малку поразлични од ова правило, а топ 10 се: писател, композитор, уметник, златар, компјутерски инженер, генетичар, автомеханичар за тркачки автомобили, археолог, тренер за животни, зоолог.
