Одобрена уште една кинеска вакцина

Компанијата Sinovac Biotech соопшти дека кинеската регулаторна служба за медицински производи официјално ја одобрила нивната вакцина против Ковид 19 за јавна употреба. 

Ова е втора вакцина против Ковид 19 одобрена за јавна употреба во Кина, по вакцината Синофарм развиена во декември, изработена од институтот во Пекинг поврзана со државната кинеска национална фармацевтска група. 

Пред одобрувањето, и двете вакцини веќе беа користени во кинеската програма за вакцинирање, главно насочена кон клучните групи за кои се претпоставува дека имаат поголем ризик од изложеност на вирусот.

Индонезија, Турција, Бразил, Чиле, Колумбија, Уругвај и Лаос издадоа одобренија за итни случаи за вакцината „CoronaVac“ развиена од „Sinovac Life Sciences“, соопшти компанијата „Sinovac“ во соопштението за јавноста. 

Одобрението се заснова на двомесечни резултати од доцните фази на клиничките испитувања во странство, од кои сè уште не се добиени конечните податоци од анализата, соопшти компанијата.