Мали нешта во животот што ја крадат вашата среќа
Сите се надеваат дека ќе водат среќен живот, но постојат работи кои и пречат на среќата. Ова се 11 навики кои не прават несреќни.
- Премногу сте критични кон себе – Опуштете се, нема смисла да им верувате на другите кога ќе ви кажат дека не сте доволно убави и тогаш ќе почнете тоа да си го повторувате. Не секоја ваша грешка треба веднаш да се претвори во катастрофа и важно е да запомните дека секој понекогаш прави грешки. Обидете се да користите стимулативен тон во вашиот внатрешен разговор, а не омаловажувачки.
- Премногу сте критични кон другите – Исто како што сте критични кон себе, не е здраво да бидете премногу критични кон другите. Ако не дозволите никој да прави грешки, луѓето со вас никогаш нема да можат да се релаксираат доволно за да развијат квалитетна врска.
- Живеeте над вашите можности – Ако имате најскап мобилен телефон, а ручате „леб со вода“, јасно ви е дека нешто не е како што треба.
- Зависности – Зависностите нè ограничуваат во животот, а првиот чекор кон опоравување е да препознаете дека воопшто имате зависност. Борбата против зависноста честопати не е лесна и ако немате доволно сила сами да се борите, побарајте стручна помош.
- Се каете за минатото – “Ех, ако започнав да учам да свирам гитара пред десет години, сега би можел да имам свој бенд”, такви мисли можат само да ве доведат во депресија. Наместо да жалите што не започнавте да учите гитара пред десет години, почнете сега.
- Постојано се грижите за иднината – Ако постојано се грижите за иднината, никогаш нема да живеете во сегашноста, а задоволството не е нешто што некогаш можеби го уживате, туку нешто што уживате токму сега. Се разбира, тоа не значи дека не треба да се грижите за иднината и воопшто да го планирате својот живот, тоа е сигурен пат кон пропаст, но не смеете да дозволите тоа постојано да ги оптеретува вашите мисли.
- Стравувате од сè – Стравот е нешто што може најмногу да го ограничи нашиот потенцијал за среќа. Ако се плашите од сè и не се осмелувате да пробате нешто или понекогаш ризикувате, како некогаш ќе дојдете до работите што ги сакате и што ве прават среќни?
- Предолго одложување на задоволствата – Одложувањето на задоволствата има свои предности, но не и ако претерате. На пример, една девојка купува прекрасен фустан и постојано го одложува да го носи, бидејќи ниту една пригода не е официјална или доволно добра, а потоа истиот фустан е мал или го губи сјајот од стоењето во плакарот. Ако купивте нешто за да ве расположи, тогаш дозволете си да се расположите со тоа.
- Озборувања – Лесно е, ако постојано се занимавате со туѓи проблеми, никогаш нема да започнете да ги решавате своите. Покрај тоа, негативните разговори раѓаат негативни мисли, а тоа ве оддалечува од среќата.
- Злопамтило сте – Оној што постојано живее во минатото и се сеќава на сè што некогаш му правеле, тој никогаш нема да може да биде среќен затоа што секогаш ги живее најлошите моменти. Простете им на луѓето и ослободете се за да можете да продолжите со животот.
- Од мува правите слон – Обидете се реално да ги согледувате проблемите во животот. Не сите проблеми се нерешливи и големи, обидете се да се оддалечите од одредени ситуации и да ги гледате објективно. Често ќе сфатите дека проблемот не е она што првично мислевте, пишува Brightside.
