TikTok забрани пристап на деца под 13 години

Кинеска платформа за објавување видео снимки, денес го блокираше пристапот на деца под 13 години на апликацијата ТикТок и ќе користи вештачка интелигенција за да ја потврди возраста на корисниците, по неодамнешната смрт на 10-годишно девојче од Палермо кое изврши самоубиство со бесење во Blackout предизвикот. 

Смртта на девојчето на 21 јануари беше проследена со случајот на 48-годишна жена од Сиракуза, Сицилија, која беше испрашувана за наводно поттикнување самоубиство објавувајќи видео на ТикТок на кое се гледа како маж и жена ставаат селотејп околу устата и носот, во уште еден Blackout предизвик. 

Истражителите, во меѓувреме, ја проширија истрагата за смртта на една девојка од Палермо, поставувајќи прашања на Фејсбук и Инстаграм за тоа како е можно да се отворат профили на нивните платформи. 

Фејсбук соопшти дека целосно ќе соработува со истражителите, а што се однесува до влијателната жена на ТикТок од Сиракуза, полицијата откри дека таа објавила повеќе снимки, со чија помош добила 730.000 следбеници од различна возраст. 

Тие следат околу 20 опасни предизвици, вклучително и вдишување на крема низ носот, затворање на очите со клешти и исценирано кршење на раката со тенџере. 

Сите предизвици ги изведувала жената од Сиракуза, а сите нејзини видеа се отстранети.