Justin Timberlake игра поранешен затвореник во новиот филм „Palmer“

Во новиот филм „Palmer“, Justin Timberlake го игра Eddie Palmer, поранешна средношколска фудбалска ѕвезда, кој се враќа во родниот град по 12 години затвор. Сакајќи да го изгради својот живот, Eddie се преселува кај неговата баба и наскоро се запознава со момче по име Sam (Ryder Allen). 

Осумгодишното дете е жртва на злоупотреба на врсници, неговата мајка е зависник, а кога таа ќе го напушти – Palmer ја презема улогата на сурогат родител.

“Пораснав во слични услови и преку снимање се поврзав со двајцата главни ликови. Исто како Sam, како дете бев заинтересиран за уметност. Од друга страна, го препознав Eddie затоа што се дружев со луѓе како него во средно училиште. Тие се ѕвезди во средно училиште, а потоа не знаат каде ќе одат и што ќе прават “, изјави Timberlake.