Во новите епизоди од серијата „Sex and the City“ ќе се зборува и за коронавирусот

Иако деталите од сценариото за новата сезона на серијата „Sex and the City“ се уште не се познати, главната актерка Sarah Jessica Parker потврди дека во новите епизоди ќе ја покажат и пандемија на коронавирус, пишува „Variety“. 

Jessica Parker минатата недела во интервјуто за Vanity Fair истакна дека едвај чека да го види комплетното сценарио за новите десет епизоди од серијата.

“Сценариото е разновидно, епизодите ќе бидат многу возбудливи. Сценаристите не размислуваа долго за тоа дали треба да се вклучи појавата на коронавирус во приказната, дејството на серијата се одвива во Њујорк – каде пандемијата и тоа како го погоди градот“, рече актерката. 

Да потсетиме, во новите епизоди ќе се појават Sarah Jessica Parker, Cynthia Nixon и Kristin Davis. Секоја од нив ќе заработува нешто повеќе од милион долари по епизода, што значи дека ќе заработи повеќе од десет милиони долари за целата нова сезона.