Зошто февруари 2021 година е посебен месец: Што ни носи моќната симболика на бројот 2

Февруари симболично се толкува како месец на стабилност и спокојство. Полека ја оставаме празничната бучава, славењата и размислуваме каква ќе биде годината што претстои. Додека јануари е месец на екстаза, февруари е периодот кога почнуваме да живееме во нов период и се фокусираме на остварување на нашите намери. Античките Римјани го сметале февруари за посебен месец – за нив тоа било период на внатрешно, енергично чистење.

Името на овој најкраток месец во годината потекнува од етрурскиот бог на подземниот свет, Фебрус и е поврзано со обреди за прочистување што се практикуваат на денот на античкиот римски празник на плодност (15 февруари). Февруари тогаш бил последниот месец од годината, а од целата староримска февруарска практика, остана само името. 

 

Духовно значење на февруари 

Во текот на февруари, добро е да се фокусираме на нашите чувства и да го прочистиме нашето тело и ум. Февруари е преоден месец, односно период во кој се стремиме кон промени, чистење на нашето опкружување од негативни луѓе и подобрување на нашиот внатрешен живот. Енергетското чистење носи бран на нови сили и храброст да се соочиме со сите промени што ни ги носи овој период од годината.

 

Нумеролошко значење на февруари 

Духовното толкување на февруари е длабоко поврзано со нумерологијата, а бројот 2 е владетел на овој месец. Што тоа значи? 

Вибрациите на бројот 2 во нумерологијата претставуваат зголемен алтруизам и емпатија – желба да им се помогне на другите и да станеме свесни за нашите добри дела и намери. Но, овој број е симбол на рамнотежа, затоа треба да имате мерка во сè. Ова значи дека ако во февруари им се посветите на другите луѓе, не смеете да ги заборавите вашите желби и потреби.

Одморете се и посветете се малку повеќе на себе. Забавете и обидете се да разберете што ви кажува вашата душа, кои се вашите желби и потреби, што треба да направите за да се приближите до сопствената цел … 

Бројот 2 ве потсетува дека најважно во животот е да одите одреден пат, но и да живеете исполнети со најмоќната сила во Универзумот, а тоа е ЉУБОВТА – кон себе, блиските, пријателите, семејството и целото човештво.

 

Февруарски цвет – љубичица 

Љубичиците се први цвеќиња кои ни носат убавина и радост во студените зимски денови. Освен што се исклучително убави, тие ја симболизираат надежта за нов почеток. Мирисот на љубичиците ја буди љубовта и радоста во срцето, па овој февруари нека ви стане овој цвет главен украс во вашиот дом.