Netflix објави: Bridgerton е нивната најуспешна серија на сите времиња

Официјално – Bridgerton е најуспешната серија на Netflix на сите времиња. 

Неверојатни 82 милиони домаќинства ја следеа историската љубовна романса предводена од актерите Phoebe Dynevor, Nicola Coughlan и Rege-Jean Page.

Серијата, која ја следи лондонската елита од 19 век, освои гледачи ширум светот, а за споредба, 82 милиони луѓе има Германија.

Говорејќи за неверојатниот успех на Jinny Howe, потпретседателка на одделот за серии на Netflix, истакна дека таа отсекогаш сакала историски романси. 

„За време на моите интервјуа со Netflix, се сеќавам дека ме прашуваа: „Ако можете да направите некоја серија, каква би била и зошто? И, тогаш ја кажав вистината. Во свет на популарна култура во која доминираат научна фантастика и фантазија, секогаш сум сакала убави, романтични приказни. А, тоа што можам сега да го објавам е дека Bridgerton е најголемата серија досега на Netflix“, изјави Jinny. 

„Bridgerton ја претстави кралицата Charlotte како црна жена која ја користи својата моќ да влијае на пошироките промени во британското општество“, додаде Jinny.

„Вклучувањето на сите раси во серијата ja направи Bridgerton современа и достапна за сите“, заклучи Jinny.