Мутираниот Британски вид на КОВИД-19 дететектиран во Македонија

Мутираниот британски вид на ковид-19 е детектиран денеска кај 46-годишен маж, при анализа на податоци во приватна лабораторија за генетика и персонализирана медицина на Клиниката „Жан Митрев“, соопшти Министерството за здравство. Во базата на податоци на ИЈЗ пациентот од 22 јануари 2021 се води како оздравен.

Во епидемиолошката анкета пациентот нема пријавено контакти ниту пак навел дека патувал надвор од државата.

Според информациите од ИЈЗ, 46 годишен маж првпат на 29 декември 2020, поради покачена температура и отежнато дишење напправил ковид тест кој бил позитивен. На 4 јануари 2021 бил на преглед во болницата „Жан Митрев“ каде му е направен ПЦР тест кој е исто така позитивен, и пациентот е веднаш хоспитализиран во болницата. На 15 јануари во болницата му е направен уште еден тест кој повторно бил позитивен.

Од министерството велат:

„Во лабораторијата во болницата ‘Жан Митрев’ со посебна ПЦР метода е утврдено дека пациентот е суспектен на некоја мутација на вирусот, а потоа е направено секвенционирање на изолатот. Според информацијата која ја проследија до нас, сите мутации кои го дефинираат британскиот сој се утврдени кај изолатот од овој пациент. Кај останатите примероци кои се анализирани во приватната лабараторија не е детектиран британскиот сој на ковид-19“