HBO Max подготвува нова серија за Harry Potter

HBO Max подготвува нова серија за волшебникот Harry Potter, пишува The Hollywood Reporter. Развојот на серијата е сè уште во рана фаза и HBO бара луѓе да го напишат сценариото. 

Веста дека се подготвува серија за овој волшебник не треба да изненадува со оглед на заработката што оваа франшиза им ја донесе на Warner Bros. 

Седум книги на J.K.Rowling се адаптирани во осум филмови со заработка од повеќе од седум милијарди долари. Во подготовка е третото продолжение на филмот „ Fantastic Beasts and Where to Find Them“. 

Да потсетиме, HBO планира во следниот период да ги врати на екраните култините „Friends“, како и серијата „Sex and the City“.